Brúkarir

Íslandsdysturin
Skrivað av TSF   
Týsdagur, 18. august 2015 22:43
PDF Prenta Teldupostur
 

Føroyar vunnu um vikuskiftið talvlandsdystin móti Íslandi í Akureyri. Úrslitið var 11½ – 8½ til Føroyar.

Íslendingar høvdu í miðal væl hægri styrkitøl enn føroyingar, tó at eingir telvarar úr Reykjavík vóru við.

Føroyar vunnu fyrra umfarið 6½-3½, annað umfarið endaði javnt 5-5. Telvað var á tíggju borðum yvir tveir dagar.

Bestur á føroyska liðnum var Olaf Berg á øðrum borði. Sum tann einasti vann hann báðar dagarnar.

Á føroyska liðnum vóru hesir: 1. John Rødgård 2. Olaf Berg 3. Eyðun Nolsøe 4. Sjúrður Thorsteinsson 5. Rani Nolsøe

6. Herluf Hansen 7. John Jacobsen 8. Luitjen Apol 9. Hjalti Petersen 10. Gutti Petersen.

 

Føroyar hava vunnið seinastu fýra dystirnar móti íslendska provinslandsliðnum. Fasta samvinnan við Ísland um talvlandsdystir byrjaði fyri 40 árum síðani. 

 

Íslendsk frágreiðing v/ myndum: http://skak.blog.is/blog/skak/entry/1931803/

Seinast dagført ( Týsdagur, 18. august 2015 22:46 )
 
Talv er einfalt!
Skrivað av TSF   
Týsdagur, 19. mai 2015 20:44
PDF Prenta Teldupostur
 

Hósdagin 21 mei kl. 15.30 verður bjóðað til skeið/ fyrilestur við Carl Fredrik Johanson í skúlanum við Løgmannabreyt. - varir uml. 3 tímar.

Seinast dagført ( Mikudagur, 20. mai 2015 21:41 )
 
Ratinglistin dagførdur
Skrivað av TSF   
Týsdagur, 14. apríl 2015 21:08
PDF Prenta Teldupostur
 
Ratinglistin er dagførdur eftir FM, sí leinkju á vinstra bredda undir Annað
 
Talvkapping fyri børn og ung sunnudagin 19. apríl kl 14, í Kollafjarðar skúla
Skrivað av TSF   
Týsdagur, 14. apríl 2015 17:26
PDF Prenta Teldupostur
 

Øll eru vælkomin at vera við, bara man dugir mannagongdina.

 

Telvað verður væntandi  í 4 aldursbólkum.

Bólkarnir koma at verða nakað soleiðis:

1 flokkur og yngri

2 og 3 flokkur

4 til 6 flokk

7 til 10 flokk

Seinast dagført ( Týsdagur, 14. apríl 2015 17:37 )
 
Steypakappingin 2015- innbjóðing.
Skrivað av Talvsamband Føroya   
Fríggjadagur, 10. apríl 2015 15:43
PDF Prenta Teldupostur
 

Talvsamband Føroya  skipar aftur í 2015 - fyri Steypakapping í talvi fyri lið, leygardagin, tann 02. mei 2015. Tiltakið verður í Gjáargarði við Gjógv. Karmar og umstøður sum vísa seg at vera heilt framúr.

Seinast dagført ( Fríggjadagur, 10. apríl 2015 15:50 )
 
GP 2014/15 Innbjóðing Finalan
Skrivað av TSF   
Týsdagur, 07. apríl 2015 20:40
PDF Prenta Teldupostur
 

 

 

Finalan í Grand Prix kappingini 2014/15, verður telvað í Sandavági leygardagin 11. apríl kl. 11.00.

Tilmeldingar: http://www.chess-results.com/tnr168722.aspx?lan=7

Seinast dagført ( Týsdagur, 07. apríl 2015 20:48 )
 
FM 9. umfar
Skrivað av TSF   
Sunnudagur, 05. apríl 2015 15:29
PDF Prenta Teldupostur
 

​Rógvi føroyameistari

 

Fyri seinasta umfar í dag stóð kappingin um FM-heitið millum Rógva Egilstoft Nielsen og Eyðun Nolsøe. Men tað bar ikki beinari á enn at báðir taptu í dag. Rógvi, sum var eitt hálvt stig undan Eyðuni, mátti dvína fyri ferfalda føroyameistaranum Martin Poulsen.

 
FM í talvi
Skrivað av TSF   
Fríggjadagur, 03. apríl 2015 21:24
PDF Prenta Teldupostur
 

Spenningur til tað síðsta

 

Leygardagin páskaaftan skulu seinastu leikirnir flytast í FM-kappingini í talvi. 

 

Tveir eru eftir í FM-stríðnum - Rógvi Egilstoft Nielsen úr Sandavágs Talvfelag og Eyðun Nolsøe úr Klaksvíkar Talvfelag. Annar verður føroyameistari á øðrum sinni. Suvereni meistarin í fjør, Høgni Egilstoft Nielsen, gjørdist ov stuttur í ár.

 
FM 5-6. umfar
Skrivað av TSF   
Mikudagur, 01. apríl 2015 22:30
PDF Prenta Teldupostur
 

 Spenningur íafturkomin

 

Rógvi Egilstoft Nielsen er framvegis einsamallur á odda í FM-kappingini í talvi, men leiðslan er nú bara eitt hálvt stig.

 

Í dag varð dupultumfar á skránni. Byrjað varð fyrst klokkan tíggju í morgun, og klokkan fimm var farið undir tað einna av dagsins umførum. Av sonnum ein langur og stríggin talvdagur.

 
FM 4. umfar
Skrivað av TSF   
Týsdagur, 31. mars 2015 22:49
PDF Prenta Teldupostur
 

 Rógvi suverenur

 

Rógvi Egilstoft Nielsen úr Sandavágs Talvfelag líkist einum føroyameistara.

 

Sigursrøðin og góða gongdin stendur við. Í dag vann hann aftur ógvuliga sannførandi í oddadysti móti Eyðuni Nolsøe og er einsamallur á odda við fullum stigatali eftir fýra umfar. Rógvi er kanska í einari umskúling sum telvari, tí stílurin tykist broyttur. Tað er ikki longur fýverkstelving, sum tað plagdi at vera, heldur tvørturímóti. Aftur í dag sóu vit, hvussu gløgga spælfatan, hann hevur. 

 
FM 3. umfar
Skrivað av TSF   
Mánadagur, 30. mars 2015 22:17
PDF Prenta Teldupostur
 

 Rógvi vann toppdystin

 

So er Rógvi Egilstoft Nielsen úr Sandavágs Talvfelag einsamallur á odda í landsliðsbólkinum í FM-kappingini í talvi.

 

Hann vann í dag á Hans Kristian Simonsen úr Róki, sum eins og Rógvi hevði vunnið bæði talvini fyri dagsins umfar. Toppdysturin gjørdist eitt vónbrot, tí Hans Kristian fór so illa um støðuna hjá sær, at tap var í hendi innan tjúgu leikir vóru fluttir. Rógvi telvaði aftur væl og gjørdi straks bart, tá ið kollfirðingurin skeiklaði.

 
<< Fyrsta < Fyrra 1 2 3 4 5 6 7 8 9 10 Næsta > Síðsta >>

Síða 1 út av 35