Brúkarir

FM í talvi
Skrivað av TSF   
Fríggjadagur, 03. apríl 2015 21:24
PDF Prenta Teldupostur
 

Spenningur til tað síðsta

 

Leygardagin páskaaftan skulu seinastu leikirnir flytast í FM-kappingini í talvi. 

 

Tveir eru eftir í FM-stríðnum - Rógvi Egilstoft Nielsen úr Sandavágs Talvfelag og Eyðun Nolsøe úr Klaksvíkar Talvfelag. Annar verður føroyameistari á øðrum sinni. Suvereni meistarin í fjør, Høgni Egilstoft Nielsen, gjørdist ov stuttur í ár.

 
FM 5-6. umfar
Skrivað av TSF   
Mikudagur, 01. apríl 2015 22:30
PDF Prenta Teldupostur
 

 Spenningur íafturkomin

 

Rógvi Egilstoft Nielsen er framvegis einsamallur á odda í FM-kappingini í talvi, men leiðslan er nú bara eitt hálvt stig.

 

Í dag varð dupultumfar á skránni. Byrjað varð fyrst klokkan tíggju í morgun, og klokkan fimm var farið undir tað einna av dagsins umførum. Av sonnum ein langur og stríggin talvdagur.

 
FM 4. umfar
Skrivað av TSF   
Týsdagur, 31. mars 2015 22:49
PDF Prenta Teldupostur
 

 Rógvi suverenur

 

Rógvi Egilstoft Nielsen úr Sandavágs Talvfelag líkist einum føroyameistara.

 

Sigursrøðin og góða gongdin stendur við. Í dag vann hann aftur ógvuliga sannførandi í oddadysti móti Eyðuni Nolsøe og er einsamallur á odda við fullum stigatali eftir fýra umfar. Rógvi er kanska í einari umskúling sum telvari, tí stílurin tykist broyttur. Tað er ikki longur fýverkstelving, sum tað plagdi at vera, heldur tvørturímóti. Aftur í dag sóu vit, hvussu gløgga spælfatan, hann hevur. 

 
FM 3. umfar
Skrivað av TSF   
Mánadagur, 30. mars 2015 22:17
PDF Prenta Teldupostur
 

 Rógvi vann toppdystin

 

So er Rógvi Egilstoft Nielsen úr Sandavágs Talvfelag einsamallur á odda í landsliðsbólkinum í FM-kappingini í talvi.

 

Hann vann í dag á Hans Kristian Simonsen úr Róki, sum eins og Rógvi hevði vunnið bæði talvini fyri dagsins umfar. Toppdysturin gjørdist eitt vónbrot, tí Hans Kristian fór so illa um støðuna hjá sær, at tap var í hendi innan tjúgu leikir vóru fluttir. Rógvi telvaði aftur væl og gjørdi straks bart, tá ið kollfirðingurin skeiklaði.

 
FM 2. umfar
Skrivað av TSF   
Sunnudagur, 29. mars 2015 22:06
PDF Prenta Teldupostur
 

Rógvi og Hans Kristian á odda

 

Tveir telvarar hava lagt seg einsamallar á odda í landsliðsbólkinum eftir fyrstu tvey umførini í FM-kappingini í talvi. Tað eru tveir fyrrverandi føroyameistarar, Rógvi Egilstoft Nielsen úr Sandavágs Talvfelag og Hans Kristian Simonsen úr felagnum Róki í Sundalagnum.

 

Sigrarnir eru ikki komnir av ongum, tí báðir hava telvað væl. Rógvi tykist væl upplagdur. Í dag var hann aftur ógvuliga neyvur og sannførandi. Hann ber orð fyri at vera álopstelvari burturav - sum pápin og yngri bróðririn - men hygg at talvinum í dag! Tað líktist næstan uppvísing í posisjónstelving. Hann næstan vant úr Ólavi Simonsen, sum spjálkaði til fánýtis. Hans Kristian  brúkti harðligari metodur, men vann eisini ógvuliga sannførandi - men eisini í so lættliga. Í morgin verður spennandi, tí tá bresta oddafiskarnir saman.

 

Hvøkkurin eftir tapið í fyrsta umfari í gjár sat kanska í føroyameistarnum Høgna Egilstoft Nielsen, tí hann var ógvuliga spakur í talvinum móti Martin Poulsen í dag. Martin ovtók seg heldur ikki; tað sýntist, sum vóru báðir nøgdir við remis. Og javnt endaði tað áðrenn komið var langt út í talvið. Kanska vildu teir síggja Føroyar og Rumenia spæla í sjónvarpinum?

 

Javnleikirnir, sum ikki vóru í gjár, komu so í dag í staðin. Eyðun Nolsøe og Finnbjørn Vang sættaðust eisini við javnt.  Lítið var á vási í teirra talvi, javnvágin var ongantíð í vága. Sama er at siga um dystin millum Herluf Hansen og Heiðrik Jacobsen.

 

Í almenna bólkinum er Eyðun Lamhauge úr Vestmanna Talvfelag einsamallur á odda við tveimum stigum. Í unglingabólkinum hava tríggir lagt seg á odda við fullum stigatali; Rógvi Mørkøre, Bjarki Bertholdsen og Elias Petersen.

 

Í triðja umfari í morgin verður telvað soleiðis í landsliðsbólkinum: Rógvi Egilstoft Nielsen - Hans Kristian Simonsen, Martin Poulsen - Herluf Hansen, Eyðun Nolsøe - Andrias Danielsen, Høgni Egilstoft Nielsen - Finnbjørn Vang og Ólavur Simonsen - Heiðrik Jacobsen. 

 
FM 1. umfar
Skrivað av TSF   
Sunnudagur, 29. mars 2015 14:17
PDF Prenta Teldupostur
 

 Spenningur frá byrjan

 

FM-einstaklingskappingin í talvi byrjaði við einum braki. Í landsliðsbólkinum varð lagt bragdliga fyri; hvør maður kýtti seg at vinna í fyrsta umfari í gjár, á hvørjum borði var rættilig kamptelving, eingin gekk í remistonkum. Úrslitið var eisini, at einki talv endaði javnt - fimm vunnu og fimm taptu.

 

Eyðun Nolsøe mundi taka tey flestu á bóli. Við hvíta fólkinum koppaði hann favorittinum Høgna Egilstoft Nielsen. Í fjør vann Høgni øll tíggju talvini í kappingini, nú snávaði hann í fyrsta umfari. Eyðun telvaði skotsku byrjanina og tóktist væl fyrireikaður. Høgni var sær sjálvum líkur framfýsin og beinleiðis í sínum spæli, men Eyðun stóð stúttur og tóktist at hava fult tamarhald á støðuni. Hann fekk fólkið at standa væl á borðinum og eftir eitt uppbýti í miðtalvinum fór tað at líkjast einum fyrimuni. Og eftir tað var hann náðileysur. Ógvuliga sannførandi byrjan hjá Eyðuni, sum annars einki hevur telvað í vetur.

Seinast dagført ( Sunnudagur, 29. mars 2015 22:08 )
 
FM í talvi byrjar
Skrivað av TSF   
Hósdagur, 26. mars 2015 22:07
PDF Prenta Teldupostur
 
  FM í talvi byrjar   Leygardagin verða fyrstu leikirnir fluttir í FM-kappingini í talvi fyri einstaklingar 2015.    Í ár er kappingin í skúlanum við Løgmannabreyt í Hoyvík. Telvað verður í landsliðsbólki, almennum bólki, unglingabólki og veteranbólki. Kappingin strekkir seg frá leygardegi 28. mars til leygardagin 4. apríl.     Havnar Telvingarfelag, sum skipar fyri í ár, hevði spent seg út til at fáa bestu telvararnar við í meistarabólkin, men tað eydnaðist ikki rættiliga. Av teimum fremstu tíggju á føroyska styrkilistanum, eru bara tríggir við í ársins meistarabólki. Helgi Dam Ziska, sum trónar omanfyri allar aðrar føroyskar telvarar, fekk ikki verið við, tí próvtøkuroynd í Skotlandi leggur meinbogar í vegin.    Aðrir av okkara fremstu tíggju telvarum eru staddir uttanlands, og hjá teimum hevur heldur ikki ligið fyri at koma heim at telva allar páskirnar.
Seinast dagført ( Leygardagur, 28. mars 2015 22:03 )
 
Ratinglistin dagførdur
Skrivað av Talvsamband Føroya   
Sunnudagur, 22. mars 2015 22:15
PDF Prenta Teldupostur
 

Ratinglistin er dagførdur pr. 22/3-2015.

Sí leinkju á vinstra bredda, undir "Annað"

Seinast dagført ( Sunnudagur, 22. mars 2015 22:17 )
 
Endaumfarið telvað í Sandavági
Skrivað av Sandavágs Talvfelag   
Sunnudagur, 15. mars 2015 21:47
PDF Prenta Teldupostur
 

 

 

Síðsta umfar í Liðkappingini 2014/15 verður telvað í nýggja skúlanum á Giljanesi, leygardagin 21. mars. Byrjað verður kl. 10.00. Ynskiligt er, at telvararnir møta í góðari tíð.

Vart skal gerast við, at í seinasta umfarinum í liðkappingini er ikki loyvt,  telvarum at flyta niður í lægri lið/deild. Dømi: Ein telvari, sum hevur telvað við 1. deild í 9. umfari, kann í 10. umfari ikki telva við lægri liði í 1. deild, ella nøkrum øðrum liði í eini lægri deild.

Hesin regul er galdandi fyri allar deildir.

 

 

Seinast dagført ( Sunnudagur, 15. mars 2015 22:49 )
 
KTF kvik
Skrivað av TSF   
Mikudagur, 04. mars 2015 20:33
PDF Prenta Teldupostur
 

 

Hervið verður bjóðað til Grand Prix Kvik-kapping í Klaksvík, leygardagin 07. mars. Telvað verður í Snjallu Bjallu. Kappingin er partur av Grand Prix kappingini 2014/15.

 

Kappingin byrjar leygardagin 07. mars, kl. 12.30. Telvað verða 7 umfør.

 

Tilmelding higartil: http://www.chess-results.com/tnr164249.aspx?lan=7

 

Seinast dagført ( Fríggjadagur, 06. mars 2015 19:11 )
 
Talvkapping fyri børn og ung sunnudagin 8. mars kl 14, í Skúlanum á Argjahamri
Skrivað av TSF   
Týsdagur, 03. mars 2015 06:55
PDF Prenta Teldupostur
 
talv_flagg

KOM VIÐ

Talvkapping fyri børn og ung sunnudagin  8. mars kl 14, í Skúlanum á Argjahamri

 

Øll eru vælkomin at vera við, bara man dugir mannagongdina.

 

Telvað verður í minst 3 aldursbólkum:

2 flokkur og yngri

3 til 5 flokkur

6 til 10 flokk

Um luttøkan gerst stór verður deilt í smærri bólkar.

 

Seinast dagført ( Týsdagur, 03. mars 2015 08:19 )
 
<< Fyrsta < Fyrra 1 2 3 4 5 6 7 8 9 10 Næsta > Síðsta >>

Síða 5 út av 38