Brúkarir

Talv OL - Annað umfar
Skrivað av TSF   
Mikudagur, 29. august 2012 10:54
PDF Prenta Teldupostur
 

Talv OL Istanbul 2. umfar, Togo - Føroyar.   Føroyska liðið telvar móti Togo í øðrum umfari og er enn eina ferð stórfavorittur.
Seinast dagført ( Mikudagur, 29. august 2012 12:49 )
 
1. umfar: Føroyar 2½ - Sudan 1½
Skrivað av FV   
Týsdagur, 28. august 2012 20:07
PDF Prenta Teldupostur
 

Vónirnar áðrenn dystin móti Sudan vóru góðar, og eftir styrkitølunum at døma átti føroyska liðið at vinna stórsigur.

Tað gekk tó ikki heilt sum ætlað í fyrsta umfari, men hóast alt er fyrsti sigurin komin til høldar.

Seinast dagført ( Týsdagur, 28. august 2012 20:46 )
 
Talv OL - Fyrsta umfar
Skrivað av TSF   
Týsdagur, 28. august 2012 07:01
PDF Prenta Teldupostur
 

Talv Olympiadan í Istanbul varð sett ígjárkvøldið og seinnapartin kl. 15.00 (13 føroyska tíð), verða fyrstu leikirnir fluttir. Føroyar eru styrkismettar nr. 74 av teimum 158 luttakandi londunum, og møta í fyrsta umfari Sudan styrkismett nr. 154.   
Seinast dagført ( Týsdagur, 28. august 2012 13:41 )
 
Frásøgn: Politiken Cup 2012 (Partur.1)
Skrivað av Rógvi E. Nielsen   
Hósdagur, 16. august 2012 22:03
PDF Prenta Teldupostur
 

Størsta talvkappingin í norðurlondum Politiken Cup, varð hildin í døgunum 28. juli  til 05. august. 292 telvarar høvdu meldað seg til kappingina, harav vóru 22 GM'arir og 9 IM'arir. Teir 5 telvararnir úr Føroyum vóru : Herluf Hansen, Høgni Egilstoft Nielsen, Sigurð B. Justinussen, Brandur Højgaard og eg sjálvur.
     Eg hevði vant nógv til kappingina, so vónirnar at fáa eitt gott úrslit vóru góðar. Umráðandi var at fáa eina góða byrjan upp á kappingina, fyri síðan at møta sterkari telvarum, men mongum brestur ætlan.

Seinast dagført ( Hósdagur, 16. august 2012 22:56 )
 
Frásøgn frá 5th Sveins Memorial
Skrivað av Helgi D. Ziska   
Týsdagur, 03. Juli 2012 10:15
PDF Prenta Teldupostur
 

5th Sveins Memorial varð hildin í døgunum 22. – 26. juni til minnis um norðmannin, IM Svein Johannesen (1937-2007). 62 luttakarar møttu til dystin fús, harav sjey GM’arar og fýra IM’arar. Sjálvur var eg styrkismettur sum tann sjeyndi í røðini. Telvað var í talvfelagnum Oslo Schakselskap (OSS), sum heldur til á ovastu hædd í einum íbúðarblokki mitt í Oslo. Uttanífrá sær ikki út av nógvum, men inni er hugnaligt við snotiligum innbúgvi, rúmligum kappingarhølum, talvbókasavni og analysurúmi, sum er útgjørt við teldum, uppvørpu o.ø. hentleikum. Harumframt hevur felagið eina stóra terrassu, sum verður brúkt til analysur og felagstiltøk, tá tað viðrar. Á terrassuni varð borðreitt við mati eftir hvørt umfar, og hetta setti ein hugnaligan dám á kappingina. Alt í alt vóru umstøðurnar í talvfelagnum í Oslo av teim heilt frægu, og tað er lítið at ivast í, at slíkir karmar skapa trivnað og vøkstur í einum felagi.

 

 

Seinast dagført ( Týsdagur, 03. Juli 2012 11:01 )
 
Steypakapping, Ársins Telvari og Ársins Stjørnuskot 2012
Skrivað av IG   
Mánadagur, 28. mai 2012 16:30
PDF Prenta Teldupostur
 

Klaksvíkar Talvfelag vann steypakappingina, meðan Rógvi E. Nielsen varð kosin til ársins telvara og Rúni T. Jacobsen varð kosin til Ársins Stjørnuskot.

Steypakappingin 2012 varð leygardagin hildin í allar besta veðri á Viðareiði. Luttøkan var soltnari enn undanfarin ár, men teir 36 telvarnir á teimum 6 liðunum tóktust at hugna sær og gjørdu sítt besta til at fáa eina spennandi kapping.

Seinast dagført ( Mánadagur, 28. mai 2012 18:42 )
 
Helgi misti á stokkinum
Skrivað av TSF/KVF   
Mánadagur, 07. mai 2012 10:15
PDF Prenta Teldupostur
 

Helgi Dam Ziska misti á stokkinum í sterku talvkappingini Copenhagen Chess Challenge. 

  Kravið at tryggja sær ein sonevndan stórmeistaranorm var, at Helgi megnaði í minsta lagi javnleik við svarta fólkinum í seinasta umfari í dag móti svenska stórmeistaranum Hans Tikkanen, men tað eydnaðist ikki.    Í seinasta umfarinum, ið var í gjár, noyddist Helgi - fyri fyrstu ferð í allari kappingini - at leggja kongin.    Talvið  var drúgvt - og vardi í alt góðar seks tímar. Helgi endaði kortini á fyrsta plássi í kappingini saman við øðrum, ið eisini fingu 6½ stig eftir átta umfør.   Við í kappingini vóru í alt 66 telvarar - av teimum seks stórmeistarar. Helgi hevur vunnið á trimum stórmeistarum í hesari kappingini, og ger ivaleyst eitt lop fram á altjóða styrkilistanum, men stórmeistaranormin rakk hann ikki hesaferð.     Tó at Helgi misti 1. plássið, so kann hann kalla seg Keypmannahavnsmeistara 2012. Hendan tittulin vinnur tann telvarin, ið endar fremstur í hesi kapping og samstundis er limur í KSU (Københavns Skak Union). Helgi endaði fremstur av luttakarunum, ið eru limur í KSU. Stórt tillukku við tí flotta úrslitinum, Helgi!
Seinast dagført ( Mánadagur, 07. mai 2012 10:46 )
 
FM Ung-lið
Skrivað av TSF   
Sunnudagur, 06. mai 2012 22:30
PDF Prenta Teldupostur
 

Liðkapping í talvi fyri skúlaungdóm Sunnudagin 13 mai kl 14 í skúlanum í Kollafirði. 

 

Talva verður í 2 aldursbólkum: 

 

“Yngri bólkur” fevnir um børn í 4 flokki og yngri. 

“Eldri bólkur” fevnir um børn í 5 flokki til og við 9 flokki. 

 

Á hvørjum liði eru 4 telvarar. Tó ber til at hava 1 ella 2 skiftistelvarar - t.v.s í mesta lagi 6 á hvørjum liði. 

 

“Yngri bólkur”  telvar uttan umhugsunartíð (klokku) - tó verður klokka nýtt, um hetta verður mett neyðugt til tess at finna eina avgerð. Royndirnar vísa, at tey yngru hava lyndi at hugsa meir um klokkuna enn um talvið. 

“Eldri bólkur” telvar við 10 minuttum í part til hvørt talvið.  

 Seinasta freist at melda til er Hósdagin 10. mai á teldupost-adressu: Hesin teldupostbústaður er vardur móti forritum som uppsamla teldupostbústaðir. Tú skalt aktiverað Javascript fyri at kunna síggja bústaðin. ella telefon 243637. 

Vinarliga upplýsið navn á liði (skúli/felag) og tilskila aldursbólk. 

Heiðursmerki verða latin trimum teimum bestu liðunum í hvørjum aldursbólki. Harumframt fáa øll eitthvørt fyri luttøkuna.  

Kappingarnar eru fyri allar áhugaðar talvungdómar - royndar, minni royndar og eisini fyri tey sum júst eru byrjaði - tað er ikki at halda seg aftur ! 

 

Eru spurningar ella ivamál, set teg í samband við okkum (sí omanfyri). 

 

Vegna Talvsamband Føroya 

Elmar Reinert Fjallheim 

Liljan Dam Jacobsen

Seinast dagført ( Sunnudagur, 06. mai 2012 22:33 )
 
Topalov telvar simultan í SMS 1 mei !
Skrivað av TSF   
Hósdagur, 12. apríl 2012 22:56
PDF Prenta Teldupostur
 

Stórtíðindi: Talvstjørna til Føroya !



Fyrrverandi heimsmeistarin og ein av mætastu telvarunum í nýggjari tíð, GM Veselin Topalov, vitjar í Føroyum 1. mei.

 

 

Klokkan 15 telvar hann tvey snartalv ímóti IM Helga Dam Ziska í hølum Havnar Telvingarfelags, og klokkan 16 verður simultantelving á Torginum í SMS, har ein samansjóðing av evnaríkum unglingum og eldri telvarum sleppur at royna seg ímóti bulgarsku heimsstjørnuni. Øll eru sjálvsagt vælkomin til tiltøkini.

Topalov, føddur 1975, gjørdist heimsmeistari í 2005, eftir at hava kveistrað alla mótstøðu til viks í HM-kappingini í San Luis við 10 stigum av 14 møguligum, hálvtannað stig framman fyri nærmastu avbjóðararnar. Topalov misti HM-heitið í dysti ímóti Vladimir Kramnik árið eftir, men hevur síðani javnan ligið ovastur á styrkilistanum hjá FIDE. Topalov er ein av seks telvarum, sum hava megnað at vunnið seg upp um 2800 ratingstig, og so seint sum í mei 2010 ljóðaði styrkitalið á heili 2812. Í løtuni stendur hann við 2752 ratingstigum.


Við á ferðini til Føroyar er eisini Silvio Danilov, umboðsmaður hjá Topalov og núverandi forseti í ECU - Evropeiska Talvsambandinum.
Áðrenn orrustuna í SMS fara teir báðir at vitja ymsa staðni og tosa um teirra royndir við talvi.

 

Talvsamband Føroya

Seinast dagført ( Týsdagur, 17. apríl 2012 21:06 )
 
Myndir í myndasavninum
Skrivað av TSF   
Mikudagur, 28. mars 2012 18:59
PDF Prenta Teldupostur
 

Nakrar myndir frá FM eru í myndasavninum.

Seinast dagført ( Sunnudagur, 08. apríl 2012 20:03 )
 
VT Open úrslit
Skrivað av TSF   
Sunnudagur, 18. mars 2012 19:28
PDF Prenta Teldupostur
 

VT Open er júst liðug og gjørdust vinnararnir 3 í tali.
Olaf Berg, Rógvi E. Nielsen og Høgni E. Nielsen endaðu allir á 4 stigum av 5 møguligum.

Ratingvirðislønina vann Joen Pauli Johannesen við 3 stigum.

 

Finn Larsen hevur tikið fleiri myndir frá kappingini, tær kunnu síggjast inni á Facebook bólkinum "Talvtos"

 

Samlaða støðan sæst á vinstra bredda undir aktuelt.

Seinast dagført ( Sunnudagur, 25. mars 2012 17:51 )
 
<< Fyrsta < Fyrra 1 2 3 4 5 6 7 8 9 10 Næsta > Síðsta >>

Síða 10 út av 29