Brúkarir

Leiðbeining um rating
PDF Prenta Teldupostur
 

Leiðbeining um rating


Greitt verður frá um:

 

Tá tú telvar uttanlands

Tá ið tú telvar í útlendskum kappingum við vanligari umhugsunartíð, og sum vanliga verða rataðar, hevur tú skyldu til - sum limur í TSF - at senda úrslitini frá kappingini til ratingnevndina innan 14 dagar eftir, at kappingin endaði. Hetta skal gerast, hóast kappingin er at finna á onkrari heimasíðu.
Tað, sum skal sendast inn, er:
  • Hvør kappingin var og hvarr
  • Nær hon fór fram
  • Hvørjum tú telvaði ímóti, og hvaðani hann er
  • Hvat úrslitið var ímóti hvørjum telvara
  • Hvat ratingtal hvør telvari hevði. Í fyrsta lagi skal altjóða ratingtalið sendast inn. Hevur hesin einki altjóða tal, skal nationala talið innsendast. Finnur tú einki tal hjá telvaranum, so boða frá tí.
Týdningarmikið er, at tú sendir úrslitini inn, hóast tú ikki finnur røttu ratingtølini, tí so kunnu vit hjálpi til við tí. Eitt gott mið at finna ratingtølini er á heimasíðuni hjá FIDE, http://www.fide.com/ratings/index.phtml
Eru tit fleiri, ið telva í somu kapping, kann ein tykkara senda inn fyri allar.
Ætlar tú at telva í útlendskari kapping, og tú ikki vilt, at kappingin skal ratast, skalt tú boða ratingnevndini frá tí, áðrenn kappingin byrjar.
 
Telvar tú í kappingum í Føroyum, og sum skulu ratast, er ikki fyri neyðini hjá tær at innsenda tíni úrslit. Tey, sum fyriskipa kappingini, hava skyldu at boða ratingnevndini frá øllum úrslitunum í kappingini.
 

Fyriskipan av kappingum í Føroyum

 
Tey, sum fyriskipa føroyskum talvkappingum, sum skulu ratast, hava skyldu at senda úrslitini inn til ratingnevndina beint eftir, at kappingin endaði. Verður Swiss Perfect orritið brúkt til at stýra kappingini við, skal leiðbeiningin um forritið niðanfyri fylgjast.
 
 
 
Einans snarkappingar, sum eru almennar og eru lagdar við forritinum Swiss Perfect, og sum fylgja leiðbeiningina um tað forritið niðanfyri, verða rataðar.
 
Hetta forrit er til at stýra talvkappingum við, og okkara ratingskipan er nú soleiðis innrættað, at til ber at innlesa úrslitini frá kappingum beinleiðis frá Swiss Perfect inn í ratingskipanina. Hetta ger umsitingina av ratingúrslitum munandi lættari, enn tá ið alt skal skrásetast við hond.
Tí ber nú eisini til at rata onnur sløg av talvkappingum sum t.d. snartalv, kviktalv, vanligt talv osfr.
 
Tá ið skipað verður fyri kappingum við Swiss Perfect, og sum skulu sendast inn til ratingútrokning, skal ein fyri hvønn telvara skráseta navn, ratingtal og limanummar hjá TSF.
͍ forritinum eru serliga 4 teigar, ein skal brúka, sum eru:

  • 'Intl Rtg' Her skal altjóða ratingtalið setast í, um viðkomandi einki føroyskt tal hevur
  • 'Id' (beint aftanfyri 'Intl Rtg') Her skal ID hjá FIDE innsetast, um viðkomandi ikki hevur limanummar hjá TSF
  • 'Loc Rtg' Her skal føroyska ratingtalið innsetast, um hesin hevur eitt tílíkt
  • 'Id' (Beint aftanfyri 'Loc Rtg') Her skal føroyska limanummarið innsetast, og tað er týdningarmikið. Limanummur eru at finna undir 'Finn Telvara'. Er talan um nýggjan telvara, sum einki limanummar hevur, skal einki innsetast her.
Swiss Perfect ger tríggjar fílur, sum skulu sendast inn til ratingútrokning. Hesar hava eftirnøvnini 'trn', 'sco' og 'ini'.