Klaksvíkar Talvfelag vann steypakappingina, meðan Rógvi E. Nielsen varð kosin til ársins telvara og Rúni T. Jacobsen varð kosin til Ársins Stjørnuskot.

Steypakappingin 2012 varð leygardagin hildin í allar besta veðri á Viðareiði. Luttøkan var soltnari enn undanfarin ár, men teir 36 telvarnir á teimum 6 liðunum tóktust at hugna sær og gjørdu sítt besta til at fáa eina spennandi kapping.

Helgi Dam Ziska misti á stokkinum í sterku talvkappingini Copenhagen Chess Challenge. 

Liðkapping í talvi fyri skúlaungdóm Sunnudagin 13 mai kl 14 í skúlanum í Kollafirði. 

Talva verður í 2 aldursbólkum: 

“Yngri bólkur” fevnir um børn í 4 flokki og yngri. 

“Eldri bólkur” fevnir um børn í 5 flokki til og við 9 flokki. 

Á hvørjum liði eru 4 telvarar. Tó ber til at hava 1 ella 2 skiftistelvarar - t.v.s í mesta lagi 6 á hvørjum liði. 

“Yngri bólkur”  telvar uttan umhugsunartíð (klokku) - tó verður klokka nýtt, um hetta verður mett neyðugt til tess at finna eina avgerð. Royndirnar vísa, at tey yngru hava lyndi at hugsa meir um klokkuna enn um talvið. 

“Eldri bólkur” telvar við 10 minuttum í part til hvørt talvið.  

 Seinasta freist at melda til er Hósdagin 10. mai á teldupost-adressu: Hesin teldupostbústaður er vardur móti forritum som uppsamla teldupostbústaðir. Tú skalt aktiverað Javascript fyri at kunna síggja bústaðin. ella telefon 243637. 

Vinarliga upplýsið navn á liði (skúli/felag) og tilskila aldursbólk. 

Heiðursmerki verða latin trimum teimum bestu liðunum í hvørjum aldursbólki. Harumframt fáa øll eitthvørt fyri luttøkuna.  

Kappingarnar eru fyri allar áhugaðar talvungdómar - royndar, minni royndar og eisini fyri tey sum júst eru byrjaði - tað er ikki at halda seg aftur ! 

Eru spurningar ella ivamál, set teg í samband við okkum (sí omanfyri). 

Vegna Talvsamband Føroya 

Elmar Reinert Fjallheim 

Liljan Dam Jacobsen

Stórtíðindi: Talvstjørna til Føroya !

Fyrrverandi heimsmeistarin og ein av mætastu telvarunum í nýggjari tíð, GM Veselin Topalov, vitjar í Føroyum 1. mei.

Klokkan 15 telvar hann tvey snartalv ímóti IM Helga Dam Ziska í hølum Havnar Telvingarfelags, og klokkan 16 verður simultantelving á Torginum í SMS, har ein samansjóðing av evnaríkum unglingum og eldri telvarum sleppur at royna seg ímóti bulgarsku heimsstjørnuni. Øll eru sjálvsagt vælkomin til tiltøkini.

Topalov, føddur 1975, gjørdist heimsmeistari í 2005, eftir at hava kveistrað alla mótstøðu til viks í HM-kappingini í San Luis við 10 stigum av 14 møguligum, hálvtannað stig framman fyri nærmastu avbjóðararnar. Topalov misti HM-heitið í dysti ímóti Vladimir Kramnik árið eftir, men hevur síðani javnan ligið ovastur á styrkilistanum hjá FIDE. Topalov er ein av seks telvarum, sum hava megnað at vunnið seg upp um 2800 ratingstig, og so seint sum í mei 2010 ljóðaði styrkitalið á heili 2812. Í løtuni stendur hann við 2752 ratingstigum.

Við á ferðini til Føroyar er eisini Silvio Danilov, umboðsmaður hjá Topalov og núverandi forseti í ECU - Evropeiska Talvsambandinum.
Áðrenn orrustuna í SMS fara teir báðir at vitja ymsa staðni og tosa um teirra royndir við talvi.

Talvsamband Føroya

Nakrar myndir frá FM eru í myndasavninum.

VT Open er júst liðug og gjørdust vinnararnir 3 í tali.
Olaf Berg, Rógvi E. Nielsen og Høgni E. Nielsen endaðu allir á 4 stigum av 5 møguligum.

Ratingvirðislønina vann Joen Pauli Johannesen við 3 stigum.

Finn Larsen hevur tikið fleiri myndir frá kappingini, tær kunnu síggjast inni á Facebook bólkinum "Talvtos"

Samlaða støðan sæst á vinstra bredda undir aktuelt.

Havnar Telvingarfelag vann FM fyri lið í 1. Deild - Hjartaliga til lukku !

Jóanis Nielsen hevur lagt støður og myndir frá FM-endabrestinum út á heimasíðuna hjá sær. Greinarnar kunnu síggjast á:

www.joanisnielsen.fo

Myndirnar hevur Finn Larsen tikið :)

Reykjavík Open varð hildin í døgunum 6. – 13. mars. Tvey føroysk umboð vóru við: Andrias Ziska og Helgi Dam Ziska.

Kappingin, sum hevur verið í støðugum vøkstri seinastu árini, hevði annars methøga luttøku í ár við 200 telvarum. Ein orsøk til hetta mundi vera, at eftirstundað nøvn sum italska stórtalentið, GM Fabiano Caruana (2767), og kvinnuligi heimsmeistarin, kinesiska GM Hou Yifan (2639), vóru millum luttakararnar.

Ein onnur orsøk var helst, at kappingin varð hildin í glæsilga nýggja konserthúsinum, Hørpuni. Flest øll munnu vera á einum máli um, at tað er ein flottur bygningur, men almenna fatanin millum telvararnar var, at Harpan helst hóskar seg betur til konsertir enn talvkappingar, tí tað hoyrdist oftari enn so larmur frá orkesturvenjingum, vindi og oompah-oompah elektrotónleiki niður í spælihølið. Fyrireikararnir lovaðu tó at bøta um hetta til næsta ár.

Hervið verður bjóðað til VT-Open í Vestmanna Skúla í døgunum 23-25 mars 2012.
Kappingin er partur av samlaðu grandprixkappingini.
Kappingin byrjar fríggjadagin 23. mars 2012 kl. 18.00.
Leygardag og sunnudag verður byrjað kl. 10.00 og 15.00.
Tíðin til alt talvið verður 90 min + 30 sek fyri hvønn leik.
Virðislønir (pengar) verða latnar nr. 1,2 og nr. 3, umframt ratingvirðislønir.
Luttøkugjaldið er kr. 100 vaksin, ung. 50 kr. Skal gjaldast á staðnum áðrenn telva verður fríggjakvøldið 23. mars.
 
Meldast kann til við at senda teldupost til Jákup á Rógvu Andreasen Hesin teldupostbústaður er vardur móti forritum som uppsamla teldupostbústaðir. Tú skalt aktiverað Javascript fyri at kunna síggja bústaðin.

Tilmeldingar: http://chess-results.com/tnr67905.aspx?lan=7

Seinasta freist at melda luttøku er hóskvøldið 22. mars  kl. 19.00
 

Vælkomin til Vestmannar!

Vestmanna Talvfelag

Í yngra bólkinum blivu Angela og Hjørdis Maria nr 1, Dania nr 3 og Ronja nr 4.

Skúlin í Kollafirði var karmur um FM-kappingina hjá gentum í vikuskiftinum. Gentutelving er ikki akkurát tað sum vit hoyra mest um í føroyska talvheiminum, men hóast tað, so møttu fleiri gentur úr serligani Suðurstreymoy upp til kappingina.